مکیدی،کلیبر یوردونون بیر گوزل دره سی

بولمورم سیز کلیبر یوردونا گئدیپ سیز یا یوخ؟
ایه گئدیپ سیز کی هئچ،آمما ایه گئتمیپ سیز عومروزون یاریسی،هئچ!!
بولورسوز نیه ؟
چون بو یوردون چوخ گورملی و گزملی بیر یرلری وار کی آدام گئدیپ گئزنن سونرا ،حیف له نیر کی نیه آزربایجانین بو گوزلیکده یئرلری اوجور کی گرک میلئته تانیدیریلمیر...؟
بولور سوز نیه؟
منجه ایر بوتون آزربایجان میلتی اوز وارلیقینن تانیش اولسا ،دا اوندا هئچ باشقا آدام لارا محتاج اولماز...
ایر بوتون میلت بوله لر کی کلیبر و آراز مئشه لرینین(ارسباران!) نه گوزل منظره لی و گزملی یرلری وار دا چتین دوروپ ،چوخلی یول گئدیپ و شمالین شرجی هاواسین تحمول اده للر....
بیر هالدا کی یایین وسطینده سیز کلیبر منطقه سینده ،گئجه نی اوشویه جک سیز...!
بو یازی دا ایستیرم ،مکیدی دره سین سیزه تانیدیرام...
بو مکان کی 22 کیلومتر کلیبر شهرینن اوزاقدی،بیر گوزل منظریه صاحیب دی....
بو دره کی دوره سینه حصار چکیلیپدی،مکیدی کندینن بیر آز فاصیله سی وار...
دره یه گیرمک همان،بیر گوزل و یاشیل منظره یه شاهید اولاجک سیز.بو دره نی قوران،ایکی داغین ،اتک لری گوزل یاشیل لیک لره صاحیب دی کی ،بو منطقه نین مخصوص آغاجلارینین یاشیل یارپاقلاری او گویلوک لری دوزلدیپ لر...

چوخلی گزن لر بو دره ده،چادر قوروپ و گئجه نی ده گالارلار.کی 4 دوره سی حصار اولدوغونا گوره ،هئچ جاناوار(سیچانان سورا!!!) بو دره یه ایاق قویمور و اونا گوره آیله لر راحت خیالینان اوز چادیر لاریندا یاتا بولوللر...
هر حالدا من اوزوم بو حصار لاری اتدیپ،و اوزومی مکیدی کندینه یاخیین یتیردیم...
بو دره نین آراسینان بیر آخار چای دا گئچیر کی ،داها دا بو اوکه نی گوزل لندیریر..
ایه بیر بلد چیز ده اولسا،ایلیه بیلر سیز گوزل مئشه لرینن ،اولو بابکین ده قالاسین فتح ایلیه سیز...

هر حالدا بو دره نی ،بو گوزل هاواسینن قویوپ و شمال یا کرد منطقه سینه گئتماق منیم نظریمه اله عقیل لی ایش اولا بیلمز کی...!!!

فیکیر ایله میین کی من ،اولارینن دشمن چیلییم وار،یوخ...
آمما منیم سوزوم بودور کی اول اوز آزربایجانیمیزی گزک و تانیاق و سونرا باشقا اولکه لره گئتمک ایستییک...

بس ایه مکیدی دره سینه گئتمیپ سیز و گورمویوپ سوز،من سیزین یریزه اولسام ،بیرینجی فورصت ده تئزلیقینان اورا گئده رم...

یاشاسین گوزل آزربایجان
گله جک ذاتا بیزیمدیر...